افتحـــوا قبــــر الشهـــيد
افتحـــوا قبــــر الشهـــيد
ومـــن تانـــي إعـدمـــوه
وإنســــوا ثـــورة العبـــيد
واللي ينادي بيها تاني ارجموه
مكتــوب يا نيلنا السعيد
مصـــرنــا يبقــي فـوق
عــــبادهـــا ســـــــيـد
ولمـــا يخلـع العبد سيد
يرجع السيد يحكم من جديد
وتتنصب للعبد المشانق
ويشـــنقوه حتي الوريد
كنت عـــايش فيها عبـد
لكن كـــنت فيها سـعيد
صحيـــح مكانـش يفرق
فــــيها عنـــدك القديم
م الجـــــديــــــــــــد
ولما حبيت يوم التقليد
عملــــت ثـــورة خلعت
حـــاكم كـــان مجــــيد
والكلام دا مش كلامي
دا كلام قـضاء فـــــريد
المقــــــتول عنده جاني
والجاني في نظره شهيد
آه يا بلدي آه يا عمــــري
اللي ولــــي وضاع شريد
معـقولة يا مصـــر لسه
فــــي عُـــرف سجانيكي
جـــنة للـمُـــــريــــــد
لا يا مصر مُــــــرة بقيتي
نار بتنـــــــادي كل يـــوم
هـــل مــــن مـــزيــــد
والمزيد دم ولادك بيحرق
كل شبر كل شجرة كل إيد
كل إيـــــــــد بتبني فيكي
وراها للهدم ألف ألف إيد
مـبارك فيـــها وشفـــيق
مــــثال للشريف السعيد
واللـــــي يرفع فيها راسه
يِحَـــصل خـــــالد سعيد
واللي يقـــتل فيها طــبعا
يتكرم بوسام ويتعزفله النشيد
واللي يرفع فيـــها سيف أحمر
مكتــــوب علـــيه إســم الإله
يبــقي سيـــد مـــــن جـــديد
وكأن مــصـــر مـــيـــراث له
ولأحفاده من الجد للحفيد
وإحـــنا إحـــــــنا الرعاع
لو نطقنا نتقيد بالحديد
افتحـــوا قبــــر الشهـــيد
ومـــن تانـــي إعـدمـــوه
وإنســــوا ثـــورة العبـــيد
لا هننطق وهنكمل حتي
لو بقي كل مصري شهيد
مش هنرجــــع تاني يوم
من تاني لأســـيادنا عبيد
وهيجـي اليـوم يا مصـر
تخلعــي زِي حزنك
يوم ما ناخـــد حق الشهيد
ونحـاكم كـل بلطـــجــــي
مـهد لرجعة الكلاب
وفي رقابها طوق حديد
يومـــها بس هتبقي مصـر
بلد الكرامة
من شـــــلاتين لبورسعــيد
ومش خسارة فيكي يا مصر
نبقي لخاطرك
90 ملـيون شــهـــيـــــد
كلمات: عبد الفتاح بدر
ليست هناك تعليقات:
إرسال تعليق