سئلت عنك الشمس والقمر
سئلت عنك الشمس والقمر
قالوا لي يا صديقي لسه
ما فيه خبر
قلتلهم أعمل إيه أنا
قلبي إنفطر
قالوا لي رفقا بقلبك دي
تصاريف القدر
قلت ودمعي بينزل زي حبات
المطر
حد فيكم يقول لي هيه
كانت حقيقة ولا وهم ببالي خطر
قالوا دمعك حرام ع اللي
نسي الغرام وقلبه حجر
قلتلهم لسه بحبه ومدوبني
حبه قلبي منه إنكسر
قالوا صبرا يا غالي هوا
دا حال البشر
قلتلهم حبيبي ملاك لكنه
ضعيف البصر
قالوا كفايا ملام قلبك
دمه إتعصر
قلتلهم مش كفاية أبكي عليه
دمايا دا هوا نور البصر
قالوا أمرك عجيب وعجيب
حال البشر
تتخانوا تتعذبوا وتحبوا
تدوبوا جبال من حجر
قلتلهم غصب عني الحب أمر
مقدر زي نزول المطر
ينزل فوق قلوبنا يحييها
ينبت أحلي الثمر
وأنا حبيبي اللي باع
وبإيده قطع الوتر
قالوا خلاص كفاية إنهي
بإيدك الحكاية وخد منها العبر
قلتلهم يا حبايبي يا شمس
يا قمر
روحوا نوروا دنيته
وجددوا فرحته إن كان دا حكم القدر
كلمات : عبد الفتاح بدر
ليست هناك تعليقات:
إرسال تعليق