هربتي من غير وداع
هربتي من غير وداع
يا قلب باع
وأنا كنت فاكرك حب ضاع
النهاردة إنكشفتي وظهر الخداع
مين يحزن عليكي
وإنتي متساويش كلمة وداع
فاكرة إني انجرحت في هروبك
لا ... دا أنا قلبي باع
واشتريت نفسي من جديد قبل الضياع
لسة قلبي بينبض بيكي .. مش خداع
لكن الخيانة عندي من سوء الطباع
ممكن أسامحك تهدمي بينا كل القلاع
لكن تدبحي قلبي من غير دمعة وداع
تبقي أقسي م الحجر لحظة الإندفاع
تقتلي الحب الوليد من غير سبب
وأسألك يكون ردك الإمتناع
معقولة قلبي اللي حبك
هو اللي بإيديه يبدأك الإقتلاع
معذور يا قلبي هويت سراب
هرب وسابك من غير وداع
كلمات: عبد الفتاح بدر
ليست هناك تعليقات:
إرسال تعليق