عن الصدي والصمت
عــــــن الصــــــــدي والصــــــمت
عاوز أكتب... لكن حاسس بكبـت
المنطقة كلها بتغلــي .. وللهدوء أنا إشـــتقت
مصر بلدنابتتحرق .. بتتسرق طول الوقت
وإحنا إيدينا في جيـــوبنا ومـكتفنا الصمت
كفاية أرجــــوكم حـــــرام
ساعدوني بسواعدكم نزيح الظلام
تعالــوا نتعلم ننطق من غير كلام
هتقولوا عليا إتجنيت وتبدأوا الملام
أقولكم مــــــن تاني
كفــــــاية حـــــرام
أقصد بأننا ننطق من غير كلام
إننا نعمل وننتج وننسي الخصــام
بلدنا محتاجة تتبني مش محتاجة الكلام
إنسوا لحظات التاريخ
وارموه معايا في كوكب المريخ
وافتكـــــروا المســــــتقبل
قبل ما عزيمتنا تشــــــيخ
تعالوا .. نعيش الماضي كماضي حـــي
ومســـــتقبل جـــــــــي
ونخـــرج مــن كــهف العــتمـــة للضــي
ونبطــــل كفـــاية كلمــــــة أي
يا شعبنا الأصيل وطنا غالي
ومالــــــــــــــوش زي
المصري جواكم ما مـــات
المصري عـــمره هيفضــــــل حـــــي
جملـــوا بإيـــــدكم شـــــوارع نفوســـكم
قبل ما تنـــادوا بنظافـــة شوارع الحـي
زينــــوا المـــــــــــــــدارس بالعـــــــلم
كفـــــــــــــــاية جــــــــهل وغـــــــــــي
عــــــــمروا صحــــــاري العقـــــــول
خلـــــــــــــوا مصر الخضــرة تقـــول
دا خير ولادي وقصة نجاحي تطول
محتاجة 7000 سنة جديدة نحكي عنها نقول
مصــــــر ولادة فراعنـــة في العمــل
والقــول
مصـــــر حاضرة زمانها مش جسد مشلول
مصـــــر مازالت بتعـــلم وهتعـــلم
العالم كله
إزاي يكــــــون العمــــــل
وإزاي بينبت أمل من وسط السكون والخمول
مصــــــــــــــــر أصيـــلة وحــــكايتها
في الزمـــــان
مهمــــــا طـــــــال الزمــــان يحـــــيكها
هتطــــول
مصـــــــــــر أمـــــــة عمل مش وطن
مشلول
ولا يرضي في يوم يحــــكمه فاشــــل أو
مخبــول
ولا ترضــــــــــــي الخضــــــــــوع
حتي لو يموت شعبها مــــن الجـــــوع
ولا عــــــمرهــا ركعـــت لغــــير الله
ولا ذلــــــتـها أمة وعلــــمتها الركـــوع
زي ما ظن البعض في زمن المخلوع
ولما ظــــن الجميـــــع مـــــوتها
وإنتهـــــــي المــــوضـــــــــــوع
قامت كالمارد نفضت عنها الذل والخنوع
وزلـزلت أركان الظلم بحناجر كالدروع
وقالـــت للظالم كفاية بصوت مسمـوع
إرحــــــــــــــــــــــــــــــل
الأرض أرضــــي
والشعب شعــبي
وحكم الجميع أصبح عليك ممنـــوع
ومــــرت الأيام وكونت عـــــام
مـــــن بعــــــد الثورة إنقضــي
ومازالت بسمع في الفضا لصــدي
صــــوت الشـــــهيد بيقـــول
إوعوا تنسوا تاري مهما الزمان مضي
ولا ترجعـــوا تعيشــــوا الصـــمــــت
وقولوا كلمة الحق بلاش تخافوا الصدي
زمان الخـــــوف جـــــوانا مـــــات
وزمــــن الحـــــرية إبتـــــــدي
يبقــي ليه تــاني نلــــوي دراع القضــا
ونهـين كرامتنا للأمـــريكان راد الفضـا
وبإيدينا نهــرب جواسيسهم
في طيــارة نزلت مـن السما
زي مكـــوك الفضـــا
وطـــارت ومعــاها كرامتنا
كأنها كانـــت حــلم ومضي
وبنجهـــز لأنتخابات رئاســـة
وحالتنا السياسية محتاســـة
كل الشعب إلا أنا وبمنتهي الكياسة
عـــاوز يبقــــي في الرئاســــة
ولا دستور كتبنا ولا حتي المبادئ في كراســة
يا تري يا بلــــدي رايحـــــة فين؟
رايحــــــــة للأمــــــــــــان
ولا ثـــــــورتك في إنتكاســـــــــة
كلمات : عبد الفتاح بدر
ليست هناك تعليقات:
إرسال تعليق